Чадењето од депонијата „Дрисла“, предизвикано од пожарот што избувна пред неколку дена, значително е намалено, информираше директорот на Дирекцијата за заштита и спасување, Стојанче Ангелов.
„Изработен е дополнителен земјен пат со кој е отсечен ѕидот на депонијата од заезерената површина со отпадни води полни со запаливи гасови, која се уште чади, но во неспоредливо помал обем во однос на првиот ден“, изјави Ангелов во пишана изјава.
Тој најави дека затрупувањето ќе продолжи и утре, додавајќи дека преостаната е помалку од третина од почетно опожарената површина.
