Според извештај на Дојче веле, банди во Дуизбург и Гелзенкирхен носат луѓе, претежно од Бугарија и Романија, за да ги злоупотребуваат системите за социјална помош (Bürgergeld). Работниците добиваат лажни договори со минимални плати, по што се бара дополнителна социјална помош, која најчесто завршува во рацете на измамниците.
Бандите дополнително заработуваат со издавање на руинирани станови по високи кирии, кои мора да се плаќаат од надлежните заводи како дел од социјалната помош.
Сепак, најголемиот дел од случаите на злоупотреба се поврзани со германски државјани – околу две третини, додека Романците и Бугарите сочинуваат само околу 5,6 отсто од осомничените.
Сојузната министерка за труд Бербел Бас го опиша феноменот како „мафијашки структури“ и најави построга борба против злоупотребите, додека локалните градоначалници побараа државата конечно да „покаже заби“.
Извор: N1info.rs
