Првиот-вицепремиер и министер за животна средина Изет Меџити денеска ја посети улицата 157 во населба Гази Баба, каде што работите на инфраструктурниот проект се одвиваат со забрзано темпо.
Канализацијата за атмосферски води е речиси завршена и наскоро ќе се поврзе со главниот цевковод на булеварот, додека паралелно се реализира и новиот водоводен систем. Проектот директно ќе им служи на околу 90 семејства од населбата, значително подобрувајќи ги условите за живот.
По завршувањето на подземните работи, ќе следува асфалтирање на улицата и поставување на модерно јавно осветлување. Меџити потенцира дека условите се поволни за продолжување на работите и дека целта е проектот да се заврши во најкус можен рок.
„Чаир и неговите населби заслужуваат нови и современи инфраструктурни стандарди, и ние тоа го реализираме“, изјави Меџити.
