Војните и безбедносни аналитичари ја оценуваат моменталната глобална ситуација како напната, но засега без директни големи судири. Особено е чувствителна ситуацијата на Западен Балкан, каде се преплетуваат интересите на големите сили.
Заедничката воена вежба на Русија и Белорусија, организирана само два дена по инцидентот со руски дронови во Полска, се смета за јасна порака: Русија тестира колку ЕУ и НАТО се подготвени да реагираат на евентуална ескалација.
Аналитичарите истакнуваат дека директен конфликт меѓу ЕУ и Русија е малку веројатен, но последиците би се почувствувале и на Западен Балкан. Локалните актери и политичари со свои интереси може дополнително да ја загрозат стабилноста, предупредуваат експертите.
Стручњаците наведуваат дека Русија користи инструменти на хибридно војување, како саботажи на телекомуникациски и енергетски системи, блокади и напади врз лидери на воени компании.
На глобално ниво, се цртаат јасни линии за нов светски поредок заснован на моќ, со засилено наоружување и постојана воена подготвеност, истакнуваат аналитичарите.
