Полскиот министер за надворешни работи, Радослав Сикорски, изрази сериозни резерви околу концептот на безбедносни гаранции за Украина, истакнувајќи дека тие подразбираат директна подготвеност на европските земји да влезат во вооружен конфликт со Русија.
„Не мислам дека ова е убедливо, дека има доверба во ова. Секој што сака да се бори против Русија може веднаш да го започне тоа. Но, не гледам никого што е подготвен да го стори тоа“, рече Сикорски, пренесува Strana.ua.
Според него, земјите што ветуваат гаранции на Киев би морале да го преземат ризикот од директна воена конфронтација со Москва, што тој го оценува како крајно сомнително. Тој додаде дека Русија практично се бори против НАТО на територијата на Украина, коментирајќи ги и неодамнешните инциденти со беспилотни летала кои навлегоа во полскиот воздушен простор.
