Црна Хроника

Телата на тројцата починати од двојното убиство и самоубиство во Велес дадени на обдукција

Доцна вечерва заврши увидот што јавен обвинител од Основното јавно обвинителство Велес го изврши по двојното убиство и самоубиство што се случи во центарот на градот. Од семејната куќа, каде што е извршено едното убиство и самоубиството на напаѓачот, се земени траги и докази кои ќе бидат предмет на понатамошно вештачење.

Телата на тројцата починати ќе бидат предадени на обдукција.

Од Министерството за внатрешни работи претходно соопштија дека во трагедијата животите ги загубија 31-годишна жена и нејзиниот татко на возраст од 68 години. Според првичните информации, убиствата ги извршил поранешниот партнер на жената, кој потоа си го одзел животот.

Триесет и деветгодишниот скопјанец најпрво со остар предмет ја усмртил жената на улицата „Кочо Рацин“ во Велес, а потоа во семејната куќа го убил и нејзиниот татко. На истото место сторителот се самоубил.

Црна Хроника

Полицијата во Тетово со полни раце работа – Уапсени пет лица

На 08.12.2025 во 15:45 часот на ул.,,Иво Рибар Лола“ во Тетово, полициски службеници од СВР Тетово ги лишија од слобода Ѓ.С.(38) и Б.З.(19), двајцата од Тетово, за тоа што кај нив е пронајдена и одземена марихуана. По документирање на случајот, ќе следува соодветен поднесок.

На 08.12.2025 во 20:00 часот на локален пат во с.Глоѓи, тетовско, полициски службеници од Полициското одделение Теарце го лишија од слобода А.Ф.(24) од с.Теарце, тетовце. При контрола на патничко возило ,,опел“ со тетовски регистарски ознаки, кое го управувал, и при преглед над него, пронајдена и одземена е марихуана. А.Ф. е задржан во полициска станица и по документирање на случајот против него ќе следува соодветен поднесок.

На 08.12.2025 во 19:20 часот на регионален пат Тетово-Скопје, полициски службеници од Полициското одделение Групчин го лишија од слобода М.И.(25) од с.Палатица затоа што кај него е пронајдена и одземена марихуана. Тој е задржан во полициска станица и по документирање на случајот против него ќе биде изготвен соодветен поднесок.

На 08.12.2025 во 18:25 часот во с.Једоарце, тетовско, полициски службеници од Полициското одделение Теарце го приведоа А.Н.(19) од с.Џепчиште затоа што кај него е пронајдена и одземена марихуана. Тој е задржан во полициска станица и по документирање на случајот ќе му биде изготвен соодветен поднесок.

Црна Хроника

Агресивен и пијан: Со 3,66 промили се судрил со полицијата

Велес – Росоманец беше приведен од полицијата поради агресивно однесување кон полициски службеници, при што се утврди дека имал 3,66 промили алкохол во крвта.

Секторот за внатрешни работи – Велес соопшти дека вчера околу 15:40 часот полициски службеници од ОВР – Кавадарци го лишиле од слобода Т.Н.(46) од Росоман. Агресивното однесување се случило додека полицајците извршувале службени дејствија.

По приведувањето, лицето било задржано во полициска станица, а против него ќе биде поднесена соодветна пријава откако ќе се документира настанот.

Црна Хроника

Обид за криумчарење на рекордна количина дрога од Албанија – полицијата го спречи!

Струмица – Македонската полиција навремено го спречи обидот за криумчарење на над 60 килограми марихуана, која од Албанија требала да влезе во Македонија. Ова е уште еден доказ дека криминалот на македонската граница нема шанси за успех.

Акцијата е реализирана благодарение на максималната посветеност и контрола на колегите од Регионалниот центар Запад, а успехот е резултат на 18-месечната инвестиција во обуки, модернизација на капацитетите и развој на човечкиот потенцијал на полициските структури.

Полицијата истакнува дека македонската граница треба да остане најнепосакуваната рута за криминалните организации и дека целата држава останува решена да се спречи секое прекугранично криминално дејствие.