Црна Хроника

Едно лице загина, друго тешко повредено во две одделни сообраќајки – возачи уапсени

Две одделни сообраќајки во кои лица биле удрени откако излегле од своите возила завршија со една жртва и еден тешко повреден, а возачите се уапсени.

Првиот случај се случил на 13 септември околу 17:20 часот во круг на бензинска пумпа во Виница. Товарно возило „Ман“ со винички регистарски ознаки, управувано од С.С. (54) од Пробиштип, удрило во Љ.П. (72) од Пробиштип, кој претходно излегол од паркирано товарно возило „Сканија“. Повредениот веднаш бил пренесен во Општата болница Кочани, каде лекар констатирал смрт. По наредба на јавен обвинител, возачот С.С. бил лишен од слобода поради постоење основи за сомнение за сторено кривично дело „тешки дела против безбедноста на луѓето и имотот во сообраќајот“.

Вториот случај се случил на 13 септември околу 20:30 часот на регионалниот пат кај клучката за село Подгорци. Патничко возило „Фолксваген Поло“ со вевчански регистарски ознаки, управувано од Д.К. (42) од с. Вевчани, удрило во И.Ф. (48) од Неготино, кој претходно излегол од своето возило. Повредениот бил пренесен во Специјалната болница „Св. Еразмо“ во Охрид, каде му биле констатирани тешки телесни повреди. Возачот Д.К. исто така бил лишен од слобода по наредба на јавен обвинител за исто кривично дело.

МВР соопшти дека за двете сообраќајки бил извршен увид од увидни екипи и јавни обвинители, а случаите се во тек за натамошна истрага.

Црна Хроника

Тепачка на пазар во тетовско – полицијата со детали

На 11.12.2025 во 16:00 часот во Полициското одделение Групчин се пријавиле Џ.Р.(57) и Б.Р.(34), двајцата од с.Стримница, тетовско. Според пријавеното, кај сточен пазар во с.Боговиње, по претходна расправија, физички го нападнале А.А.(58) од Тетово. По целосно документирање на случајот, ќе следува соодветен поднесок.

Црна Хроника

Млад скопјанец пронајден мртов во напуштен објект во Центар

На 12 декември 2025 година, околу 00:20 часот, во СВР Скопје било пријавено дека во напуштена куќа на подрачјето на општина Центар е пронајдено починато 25-годишното лице Е.Р. од Скопје.

Екипа на Итната медицинска помош на местото ја констатирала смртта, без видливи траги на насилство.

Полицијата извршила увид, а по наредба на јавен обвинител телото е предадено на обдукција со цел утврдување на причините за смртта.

Црна Хроника

Разбиена лихварска скопска мрежа – осуммина уапсени во координирана полициска акција

Осум лица од Скопје утринава се уапсени во голема полициска операција со која беше откриена и демонтирана организирана група што со години се занимавала со лихварство, перење пари и нелегално приредување игри на среќа. Акцијата ја водело Обвинителството за гонење организиран криминал, а учествувале специјализирани полициски единици.

Полицијата истовремено влегла на 11 локации во Скопје, каде што биле извршени претреси. Таму биле пронајдени и запленети 34.510 евра, 431.000 денари и 400 долари, како и голем број мобилни телефони, компјутери, лаптопи и моторни возила.

Во дел од просториите биле откриени целосно опремени нелегални играчници со покер-маси, чипови, карти и друга опрема за одржување нерегистрирани коцкарски игри. Според првичните информации, групата подолг период остварувала значителни приходи надвор од законските рамки.

При претресите биле пронајдени и растителни и прашкасти материи за кои постои сомневање дека се дрога. Запленетата документација ќе биде анализирана за утврдување на целосниот обем на криминалната мрежа.

Уапсените се задржани во полициска станица, а постапката против нив е во тек.