Во текот на денешната владина седница, беше донесена историски важна одлука за високото образование – Универзитетот „Мајка Тереза“ во Скопје добива во трајно користење парцела од 31.434 м² на која ќе се изгради новиот универзитетски кампус, со инвестиција од 40 милиони евра.
Првиот-вицепремиер и министер за животна средина и просторно планирање, Изет Меџити, истакна дека проектот претставува инвестиција во знаење, еднакви можности за студентите и развој на современа академска инфраструктура. Новиот кампус ќе обезбеди квалитетни услови за студирање и научно истражување, претворајќи го Чаир во центар на знаење и академски развој.
„Кампусот на Универзитетот „Мајка Тереза“ ќе биде место каде илјадници студенти ќе градат својата иднина. Ова е голем чекор за унапредување на инфраструктурата за образование и за зајакнување на улогата на образованието како столб на нашето општество“, изјави Меџити.
