Министерката за енергетика, рударство и минерални суровини, Сања Божиновска, оствари средба со Претседателката на Надзорниот одбор на ЕВН, Александра Витман, и Претседателот на Управниот одбор на ЕВН Македонија, Волфганг Маиер.
Средбата беше посветена на тековните состојби во енергетскиот систем, заштитата на потрошувачите и потребата од континуирана модернизација на дистрибутивната мрежа.
„Стабилно и одржливо снабдување со електрична енергија е заедничка цел – во интерес на граѓаните и стопанството“, истакна Божиновска.
Разговорот беше фокусиран и на предизвиците со кои се соочува европскиот енергетски сектор, новиот Закон за енергетика во Македонија и заедничката одговорност за обезбедување на одржлива и безбедна енергетска иднина.
