Претседателката на Европската комисија, Урсула фон дер Лајен, изјави дека ЕУ мора да склучува трговски договори со земји како Индија за да ја намали зависноста од САД, поради зголемените американски увозни тарифи.
– Целта ни е да постигнеме договор со Индија уште оваа година, а премиерот Нарендра Моди ме увери во својата посветеност на овој процес – рече фон дер Лајен на конференција со германски бизнис лидери.
Таа додаде дека ЕУ е во преговори и со Јужна Африка, Малезија, Обединетите Арапски Емирати и други земји, како дел од стратегијата за диверзификација на трговските партнери.
