Во Министерството за енергетика, рударство и минерални суровини се одржа обука за менаџмент, наменета за јакнење на капацитетите и професионалниот развој на вработените. Целта на обуката беше стекнување нови знаења и алатки за поефикасна и современа работа во институцијата.
Обуката ја водеше Борко Хаџиски, експерт со долгогодишно искуство во областа на менаџментот и стратегиското лидерство. Во знак на признание за неговиот придонес, на г-дин Хаџиски му беше врачена благодарница, со што се истакна значењето на обуката за развојот на тимот и институцијата.
„Ваквите вложувања во луѓето се најсилната гаранција за современа и ефикасна администрација“, изјави министерката Сања Божиновска, потенцирајќи ја важноста на постојаното унапредување на знаењата и вештините на вработените.
