Министерството за финансии и Факултетот за информатички науки и компјутерско инженерство (ФИНКИ) потпишаа Меморандум за соработка, кој отвора нови можности за заеднички проекти, истражувања, обуки, конференции и дигитални иновации.
Целта на соработката е унапредување на развојот на јавните политики, поддршка на процесот на дигитализација во Министерството за финансии и зајакнување на капацитетите на вработените преку континуирано учење и усовршување.
Министерката за финансии, Гордана Димитриеска – Кочоска, истакна дека овој Меморандум е дел од стратегијата за градење партнерства со академската заедница и поттикнување на стручна размена во области од заемен интерес.
„Соработката со ФИНКИ ќе овозможи споделување на знаења и експертиза, како и развој на иновативни дигитални решенија, што директно ќе ја подобри ефикасноста на јавниот сектор,“ истакна Димитриеска – Кочоска.
Со оваа иницијатива, Министерството за финансии ја потврдува својата посветеност на модернизацијата и на унапредувањето на стручниот капацитет на своите вработени.
