Серија земјотреси ја потресе Камчатка, најсилниот 5,8 степени
Регионалната филијала на Федералниот истражувачки центар при Руската академија на науките соопшти дека утрово е регистриран земјотрес со јачина од 5,8 степени покрај брегот на Камчатка. Министерството за вонредни ситуации потврди дека потресот бил почувствуван во Петропавловск-Камчатски и Виључински, но засега не е издадена закана од цунами.
Ова е дел од серија потреси: во последните 24 часа регистрирани се повеќе од 120 земјотреси, а најсилниот достигна јачина од 7,4 степени со епицентар 93 километри од Петропавловск-Камчатски.
Камчатка доживува силни земјотреси речиси секојдневно откако на 30 јули беше регистриран најсилниот потрес во регионот од 1952 година, со јачина од 8,8 степени. Надлежните органи продолжуваат да ја следат ситуацијата и ги предупредуваат жителите за можни нови потреси.
