Кафето и варењето – зошто утрото е најдобро време?
Пиењето кафе е утрински ритуал за милиони луѓе, но покрај енергијата и аромата, постои уште една важна придобивка – кафето го стимулира варењето и празнењето на цревата.
Гастроентеролозите велат дека утрото е оптимално време за кафе, бидејќи дебелото црево е најактивно во првите часови по будењето. Кафето делува во синергија со природниот циркадијален ритам и го засилува гастроколичниот рефлекс – процес во кој храната или пијалокот предизвикуваат контракции што ја движат столицата. Овој рефлекс е најсилен токму наутро, а комбинацијата со појадок дополнително го поттикнува.
Причината не е само кофеинот. И безкофеинското кафе го стимулира производството на желудочна киселина и хормони што ја зголемуваат активноста на дебелото црево. Покрај тоа, соединенија како хлорогени киселини и меланоидини директно ја активираат моториката на цревата.
За здрава навика, ограничете се на најмногу 400 мг кофеин дневно (околу 4 шолји) и избегнувајте кафе доцна попладне за да не го нарушите сонот. Внимавајте и на шеќерот – Американското здружение за срце препорачува максимум 6 лажички дневно за жени и 9 за мажи.
