Русија повторно ја нападна Украина, Полска ја активираше својата воздушна одбрана
Русија изврши масовен ноќен напад врз украински градови користејќи дронови, крстосувачки и балистички ракети. Најмалку едно лице загина, а 13 беа ранети. Експлозии беа регистрирани во Павлоград, Николаев, регионот Днепар и околу Киев, вклучително Буча, Бориспиљ и Обухив.
Во нападот беа оштетени станбени згради, гаражи и паркирани возила, а во целата земја беа активирани предупредувања за воздушен напад. Десетици дронови и ракети прелетале над територијата, додека во Лавов две крстосувачки ракети беа соборени без последици.
Во реакција, Полска крена борбени авиони за да го заштити својот воздушен простор, засилувајќи ја присутноста на НАТО во регионот, само една недела по инцидентот кога руските дронови ја нарушија полската воздушна зона.
