Четворица американски војници учествувале во воздушен инцидент во близина на воена база во сојузната држава Вашингтон и, според официјални информации, веројатно загинале, соопшти Командата за специјални операции на американската армија (USASOC).
Несреќата се случила во среда, но официјалната потврда за загинатите е објавена денес. Според првите информации, инцидентот се случил во близина на езерото Самит. Канцеларијата на шерифот соопшти дека изгубен е контакт со хеликоптерот и дека армијата ги распоредила сите расположливи ресурси за потрага и помош.
Причината за несреќата сè уште не е позната, а истрагата е во тек. Имињата на загинатите војници ќе бидат објавени кога ќе биде „соодветно време“, наведуваат од USASOC.
