Meta започна со исплатата на отштета за корисниците на Facebook во САД како дел од спогодбата од 725 милиони долари, произлезена од скандалот со злоупотреба на кориснички податоци. Спогодбата беше постигната во 2022 година по тужбите поврзани со случајот Cambridge Analytica, кога податоците на милиони корисници беа пристапени без овластување.
Право на отштета имаат сите корисници кои го користеле Facebook помеѓу 7 мај 2007 и 22 декември 2022 година и поднеле барање во предвидениот рок. Исплатите се одвиваат во бранови и се очекува целиот процес да трае околу 10 недели. Корисниците чиј пријави се прифатени добиваат известување преку е-пошта неколку дена пред средствата да пристигнат на нивната сметка.
Износот на отштетата зависи од бројот на валидни барања и времетраењето на активната сметка на Facebook. Првите исплати покажуваат дека корисниците добиваат околу 38 долари по лице, иако износот варира од поединец до поединец. Организаторите апелираат до корисниците да ја проверуваат и папката за спам, бидејќи известувањата пристигнуваат електронски.
