На магистралниот пат Кочани- Виница, на место викано „Сланечки дол“, автомобил „пежо“ со винички регистарски ознаки, управувано од Б.Ќ.(48) од Виница, излетало од коловозот вчера доцна попладнето.

Б.Ќ. починал на местото на несреќата од здобиените повреди, а лекар од Итната медицинска помош констатирал смрт.

По насоки на јавен обвинител, телото на починатиот било предадено на обдукција. Извршен бил увид од увидна екипа од ОВР Кочани.

На 17 декември 2025 година, на аеродромот во Скопје, околу 01:50 часот, полициски службеници спречиле обид за влез во државата со фалсификувани владини документи. При граничната контрола биле лишени од слобода Ч.Л. (27), државјанин на Кина, и М.Х. (26), државјанин на Италија, откако било утврдено дека приложиле документи што не потекнуваат од официјални органи и се фалсификувани.

Лицата биле задржани во Полициската станица Гази Баба за понатамошна постапка, соопшти Министерството за внатрешни работи. Од надлежните ќе следат соодветни правни мерки поради сомнение за сторено кривично дело поврзано со злоупотреба на државни документи и обид за нелегален влез во земјата.

На  02.11.2025 година, 51-годишен жител на Тетово со иницијали Џ.С. е обвинет за кривичното дело „загрозување на сигурноста“, откако, според полицискиот билтен, упатувал закани кон полициски службеници за време на извршување службени дејствија во Гостивар.

Надворешната канцеларија за криминалистички работи при СВР Гостивар поднела кривична пријава до надлежното јавно обвинителство, поради постоење основано сомнение дека лицето сторило кривично дело со закани кон службени лица.