Фудбалската федерација на Македонија (ФФМ) ги известува родителите дека целата опрема која беше донирана на клубовите за младинските категории е бесплатна и не смее да се наплаќа.
Од Федерацијата добиле информации дека некои клубови сепак бараат надомест од родителите за опремата, што е целосно спротивно на условите на донацијата. ФФМ апелира до родителите веднаш да пријават секој обид за наплата на опрема.
„Нашата цел е младите фудбалери да имаат фер услови за развој, без дополнителен финансиски товар за семејствата“, се наведува во соопштението.
На линкот https://shorturl.at/VhpiK е објавен списокот на клубови кои ја добиле донацијата. ФФМ ќе продолжи да ја следи ситуацијата и ќе интервенира за да ја заштити секоја млада генерација фудбалери.
