Крајнодесничарската партија Алтернатива за Германија (АфД) за првпат се искачи на врвот на неделните анкети на агенцијата INSA за германскиот весник „Билд“. Според резултатите, АфД има поддршка од 26 проценти, што е највисокиот рејтинг што оваа партија го постигнала досега во истражувањата на ИНСА.
ЦДУ/ЦСУ, досегашниот водечки блок и најголема опозициска сила, заостанува со 25 проценти.
Кај останатите партии, СПД бележи мало зголемување од еден поен и достигнува 15 проценти, додека Зелените паднаа на 11 проценти. Истото ниво го има и Левицата, која останува стабилна.
Проекциите покажуваат дека ниту актуелната црно-црвена владина коалиција на канцеларот Фридрих Мерц (ЦДУ) и вицеканцеларот Ларс Клингбеил (СПД), ниту пак можната црвено-црвено-зелена алијанса не би имале доволно мнозинство. Сепак, заедничка влада на ЦДУ/ЦСУ и АфД би имала јасна предност со 51 проценти поддршка.
Паралелна анкета на Политбарометар, објавена од „Јуроактив“, покажува изедначеност меѓу АфД и ЦДУ со по 26 проценти, што ја потврдува новата политичка реалност во Германија – засиленото влијание на крајната десница.
