Лидерот на ДПА Мендух Тачи вечерва на гостување во ТВ21, рече дека се покаја што влегол во Европскиот фронт. Тој го нападна лидерот на ДУИ, Али Ахмети дека не си го одржал зборот.
„Јас се покајав што влегов во Европскиот фронт“, рече Тачи.
ТВ21: Зошто влеговте?
„Затоа што јас сум таков, кога ќе се договорам, останувам до крај на договорот. И мислам дека мажите и жените кои не остануваат до крај на договорот се нечесни“, изјави Тачи.
ТВ21: А кој не си го одржа зборот?
Тачи: Првиот, господинот Ахмети. Затоа што ние во принцип се договоривме да создадеме Фронт.
Тачи изјави дека Ахмети ќе доживее пораз на следните избори.
