Американскиот претставник во Обединетите Нации, Мајк Валц, на состанокот на Советот за безбедност посветен на навлегувањето на руски авиони во воздушниот простор на Естонија, истакна дека Русија итно мора да престане со опасното однесување.
„САД и нашите сојузници ќе ја бранат секоја педа од територијата на НАТО,“ рече Валц, нагласувајќи дека Алијансата е обединета и решена да ја заштити својата територија.
Во изминатите десет дена Русија трипати е обвинета за нарушување на воздушниот простор на земји-членки на НАТО, вклучувајќи летови на дронови над Полска и Романија, како и последниот инцидент над Естонија.
