Република

Општина Битола создава современа училишна средина за гимназијалците

Битола – Во периодот 2022-2025, Општина Битола реализираше значајни инвестиции во СОУ Гимназија „Јосип Броз Тито“, со цел подобрување на условите за образование и создавање современа и функционална училишна средина.

Во рамките на уредувањето, сите стари внатрешни врати беа заменети со нови, изработени од првокласно суво чамово дрво и фарбани со еколошка боја, при што е зачуван автентичниот изглед на гимназијата. Третиот кат и кабинетот по хемија се модернизирани со нови работни клупи со огноотпорни плочи, шкафчиња, умивалници и други помошни елементи.

За потребите на кабинетите по хемија, физика и биологија набавени се различни инструменти како термометри, сонди и микроскопи, додека кабинетот за странски јазици доби нова библиотека за книги.

Дополнително, саниран е стариот партерен ѕид со природен камен, поставена е нова ограда од ковано железо и гранитни скали, со цел зачувување на автентичноста на објектот. Балконот доби нова ограда од ковано железо и замена на постоечкиот лексан со плексиглас, додадена е летна училница со бехатон плочки и настрешница, а покривниот пасаж кон спортската сала е доработен со лим и електрична инсталација.

Од Општина Битола истакнуваат дека вложувањето во образованието е инвестиција во иднината на младите и развојот на градот, нагласувајќи дека продолжуваат со реализирање проекти кои го подобруваат квалитетот на наставата и условите за учење.

Влогот во образованието е влог во иднината!

Видеото може да го погледнете тука

Република

ДЕЛ ОД ТЕТОВО И ШЕСТ СЕЛА УТРЕ БЕЗ СТРУЈА

Утре, 12 декември 2025 година, дел од Тетово и повеќе тетовски села ќе останат без електрична енергија поради најавени планирани прекини во снабдувањето.

Според објавата, без струја од 09:00 до 14:00 часот ќе бидат делови од градот Тетово, поточно објектите во близина на улицата Илинденска, кај стадионот.

Во истиот период, планиран прекин ќе има и во селата:
• Церово (повеќе локации, вклучително и репетитор Мобимак и целото село),
• Ново Село (две засегнати подрачја),
• Рогле,
• Теарце (од 09:00 до 10:00 часот),
• Челопек,
• Агино Село (ул. 114).

ЕВН најавува дека прекините се поради технички зафати во електро-мрежата и апелира граѓаните навреме да се прилагодат на измените.

Република

БИТОЛА БЛЕСНА ВО НОВА НОВОГОДИШНА СВЕТЛИНА

Битола и кажа добредојде на новогодишната магија. Претпразнично блеснаа улиците, плоштадите, сцените каде и годинава ќе се случува „Зимската приказна“.
Нова светлина, нова енергија, нова радост за граѓаните на Битола и сите гости.

Со оваа фотогалерија Ви пренесуваме дел од новогодишната магија во градот под Пелистер, подготвен за уште едно ново издание на предновогодишната програма на препознатливата „Зимска приказна“.

Република

Плакат од Киро Урдин во рацете на Коњановски како симбол на поддршката за „Браќа Манаки“

Директорот на Интернационалниот фестивал на филмската камера „Браќа Манаки“, Димитрија Доксевски, и извршниот директор Роберт Јазаџиски остварија средба со градоначалникот на Битола, Тони Коњановски, на која беше потврдена силната соработка меѓу фестивалот и Општина Битола.

На средбата се разговараше за долгогодишната партнерска врска која градот домаќин ја има со најстариот фестивал за филмска камера во светот, како и за подготовките за 47-то издание, чија цел е уште повпечатлива организација и достоинствен прием на меѓународните гости.

Како израз на благодарност, Доксевски и Јазаџиски на градоначалникот му врачија плакета со мотив од официјалниот плакат на 46-тото фестивалско издание, чиј автор е светски признатиот македонски сликар Киро Урдин.