Министерот за спорт, Борко Ристовски, денеска го означи почетокот на Европската недела на спортот 2025 на спортските терени во ОУ „Кочо Рацин“ во Скопје. На настанот присуствуваа ученици, наставници и гости, а министерката порака беше јасна – спортот ги обединува луѓето и промовира здрав живот и вистински вредности.
Ристовски ја истакна важноста на активното учество и спортската култура, а присуството на амбасадорот на Италија, Н.Е. Паоло Палминтери, и на градоначалникот на Кисела Вода, Орце Ѓорѓиевски, го збогати настанот.
Европската недела на спортот ќе трае од 23 до 30 септември, а програмата вклучува атлетски трки, велосипедски натпревари, тимски спортови, забавна програма и музика во живо, фитнес работилници, активности за деца и семејства, како и награди и изненадувања.
Оваа година се слават и 10 години од #BeActive движењето, со цел заеднички да се испрати пораката за здрав и активен живот.
