Американската тајна служба соопшти дека открила и уништила мрежа на софистицирани електронски уреди во областа на Њујорк, кои биле користени за закани кон високи владини функционери во период кога странски лидери оваа недела пристигнуваат на заседањето на Генералното собрание на ОН.
Уредите биле запленети во радиус од 56 километри од седиштето на Обединетите нации, каде што американскиот претседател Доналд Трамп треба да одржи говор. „Првичните анализи укажуваат на мобилни комуникации помеѓу државни непријателски актери и лица познати на федералните агенции за спроведување на законот“, наведува Тајната служба.
При акцијата биле одземени над 300 СИМ сервери и 100.000 СИМ картички на повеќе локации, кои претставувале директна закана за безбедносните задачи на службата. Хардверот, според властите, бил користен за повеќе телекомуникациски закани кон високи американски функционери.
Се смета дека уредите можеле да се употребат за деактивирање на мобилни кули, овозможување DoS кибернетички напади, како и за анонимна и криптирана комуникација меѓу потенцијални непријателски актери и криминални организации.
Мрежата се протегала низ три држави – Њујорк, Конектикат и Њу Џерси.
