Република

Утре Тетово и околината во целосен мрак – ова се населените места

На 24 септември 2025 година (среда), голем дел од жителите на Тетово и околните населени места ќе останат без електрична енергија поради планирани прекини од ЕВН Македонија. Прекините ќе започнат од раните утрински часови и ќе траат до попладне, а засегнати се повеќе населени места и делови од градот.

Според официјалната најава, планирани прекини ќе има во следните места:

Добарце – од 09:00 до 14:00 часот (дел од селото)
Волковија – од 09:00 до 14:30 часот
Стенче – од 09:00 до 14:30 часот
Попова Шапка (дел кај хотел Славија) – од 09:00 до 14:55 часот
Улица 176 во Тетово – од 09:00 до 14:30 часот
Агино Село (дел од с.Шипковица) – од 09:35 до 14:00 часот

Дополнително, најавен е и непланиран прекин на струја во самото Тетово, но без прецизирани информации за времетраењето и локацијата.

Граѓаните се советуваат навреме да ги завршат сите важни обврски што бараат електрична енергија, да ги наполнат телефоните и да се подготват за можни потешкотии.

Од ЕВН најавуваат дека прекините се дел од редовното одржување и унапредување на електро-мрежата, но останува нејасно дали сите засегнати ќе бидат соодветно информирани.

Република

ДЕЛ ОД ТЕТОВО И ШЕСТ СЕЛА УТРЕ БЕЗ СТРУЈА

Утре, 12 декември 2025 година, дел од Тетово и повеќе тетовски села ќе останат без електрична енергија поради најавени планирани прекини во снабдувањето.

Според објавата, без струја од 09:00 до 14:00 часот ќе бидат делови од градот Тетово, поточно објектите во близина на улицата Илинденска, кај стадионот.

Во истиот период, планиран прекин ќе има и во селата:
• Церово (повеќе локации, вклучително и репетитор Мобимак и целото село),
• Ново Село (две засегнати подрачја),
• Рогле,
• Теарце (од 09:00 до 10:00 часот),
• Челопек,
• Агино Село (ул. 114).

ЕВН најавува дека прекините се поради технички зафати во електро-мрежата и апелира граѓаните навреме да се прилагодат на измените.

Република

БИТОЛА БЛЕСНА ВО НОВА НОВОГОДИШНА СВЕТЛИНА

Битола и кажа добредојде на новогодишната магија. Претпразнично блеснаа улиците, плоштадите, сцените каде и годинава ќе се случува „Зимската приказна“.
Нова светлина, нова енергија, нова радост за граѓаните на Битола и сите гости.

Со оваа фотогалерија Ви пренесуваме дел од новогодишната магија во градот под Пелистер, подготвен за уште едно ново издание на предновогодишната програма на препознатливата „Зимска приказна“.

Република

Плакат од Киро Урдин во рацете на Коњановски како симбол на поддршката за „Браќа Манаки“

Директорот на Интернационалниот фестивал на филмската камера „Браќа Манаки“, Димитрија Доксевски, и извршниот директор Роберт Јазаџиски остварија средба со градоначалникот на Битола, Тони Коњановски, на која беше потврдена силната соработка меѓу фестивалот и Општина Битола.

На средбата се разговараше за долгогодишната партнерска врска која градот домаќин ја има со најстариот фестивал за филмска камера во светот, како и за подготовките за 47-то издание, чија цел е уште повпечатлива организација и достоинствен прием на меѓународните гости.

Како израз на благодарност, Доксевски и Јазаџиски на градоначалникот му врачија плакета со мотив од официјалниот плакат на 46-тото фестивалско издание, чиј автор е светски признатиот македонски сликар Киро Урдин.