Денеска, претседателот на ЗЕЛС и градоначалник на општина Кисела Вода, Орце Ѓорѓиевски, оствари средба со Матео Мекачи, шеф на Набљудувачката мисија на ОДИХР во Скопје, и неговите соработници. Средбата се одржа во пресрет на претстојните избори на 19 октомври, со цел да се обезбеди фер и демократски изборен процес.
На средбата се разговараше за значењето на создавање демократска атмосфера во која секој граѓанин може слободно и без притисок да ја изрази својата волја. Беа истакнати транспарентноста и почитувањето на европските стандарди како основа за градење доверба во институциите и изборниот процес.
Особено беше потенцирана важноста на соработката помеѓу локалните самоуправи, централните институции и меѓународните набљудувачи како клучна гаранција за фер и коректни избори. Средбата помина во конструктивна и отворена атмосфера, а сите учесници испратија пораката дека целта е демократски избори кои верно ќе ја одразат волјата на граѓаните и ќе ја потврдат европската демократска зрелост на државата.
