Ако не го продолжиме патот кон Европската унија некои граѓани ќе одат со Албанија, а некои со Бугарија порача синоќа на отворањето на изборниот штаб во Тетово, лидерот на ДУИ Али Ахмети.
„Ако не го продолжи Македонија својот пат кон ЕУ, тогаш граѓаните на оваа земја нема да имаат друг избор освен некои да одат со Албанија, а другите со Бугарија!“, рече Ахмети.
Изјавата беше директно обраќање до премиерот Христијан Мицкоски.
– Оваа извонредна мобилизација е доказ дека Албанците се обединети, решени и подготвени да ги бранат достоинството, еднаквоста и европската иднина на земјата. Обединувањето на политичките сили во овој сојуз е нашиот најсилен одговор на предизвиците, кои ги сервираат ‘задоцнетите патриоти’. Знаеме дека не е лесен нашиот пат, но нашето единство е гаранција оти никој не може да нè запре. Овој плебисцит не е за една партија, ниту за еден поединец, туку за сите Албанци и за нашата земја – изјавил Ахмети.
