Со засилени градежни активности, булеварскиот влез во Битола од правецот на Прилеп добива финален изглед. Работите на терен се изведуваат со дневни и ноќни смени, при што се врши асфалтирање, поставување на инсталации, уредување на тротоари и атмосферска канализација.
Градоначалникот на Битола, Тони Коњановски, изјави дека сообраќајниот режим е организиран така што се минимизираат застои, а воедно се овозможува квалитетна реализација на проектот.
„Битола заслужува современ и европски влез во градот, а битолчани со право очекуваат нивниот град да има достоинствен влез што ќе ја рефлектира историјата и современоста на Битола,“ нагласи Коњановски.
Од општината посочуваат дека наскоро ќе биде финализиран целосниот изглед на овој значаен инфраструктурен зафат, кој се смета за еден од најважните за развојот и имиџот на градот.
Видеото може да го погледнете тука
