Министерката за финансии Гордана Димитриеска – Кочоска денеска во Охрид се обрати на 24-та Конференција на Македонската берза, настан кој повеќе од две децении претставува двигател на идеи и партнерства во финансискиот сектор.
Таа истакна дека заложбата на Владата е јасна – создавање посилен, постабилен и модерен пазар на капитал кој ќе биде мотор на економијата. Како клучен момент, Димитриеска – Кочоска го посочи потпишувањето на регионалниот Меморандум за соработка со уште седум земји од Централна и Југоисточна Европа.
„Ова е голем чекор кон отворање нови можности за домашните компании и нивен полесен пристап до капитал,“ нагласи министерката.
Таа додаде дека со новата соработка, како и со реформите во регулативата, се создаваат услови за поголема доверба, ликвидност и енергија за економски раст.
