Рускиот претседател Владимир Путин изјави дека земјата бележи напредок во сите клучни области – од воената и безбедносната, до економската сфера. Но, според него, најголемата гаранција за иднината е политичката стабилност.
„Луѓето знаат колку стабилноста отсекогаш била важна за Русија. Денес тоа е двојно, тројно поважно – стабилноста на политичкиот систем и внатрешната ситуација,“ рече Путин за време на средбата со шефицата на Централната изборна комисија Ела Памфилова.
Тој нагласи дека токму довербата на гласачите и нивното учество на изборите ја обезбедуваат стабилноста, која е темел за успесите на Русија во сите области.
„Особено сум благодарен на сите кои не се исплашија и излегоа на гувернерските избори. Во денешни услови, тоа е од огромно значење,“ порача Путин.
