По три и пол години војна во Украина, рускиот претседател Владимир Путин се повеќе се потпира на граѓаните за финансирање на воената машинерија. Рускиот Министерство за финансии објави дека планира да го зголеми ДДВ-то за два процентни поени – на 22% – како дел од трогодишен план за затворање на растечката дупка во државниот буџет.
Покрај тоа, ќе се опфатат повеќе мали и средни претпријатија со обврска за пријавување на приходите, ќе се воведе посебен данок на коцкање од 5% и данок на добивка за обложувалниците од 25%. Министерството појаснува дека мерките се насочени главно кон финансирање на одбраната и безбедноста.
Претходно годинава, Кремљ ја зголеми даночната стапка на личниот доход, и покрај ветувањето на Путин дека до 2030 година нема да има нови „големи“ даночни реформи. Сепак, економијата се оладува, приходите од нафта и гас се намалуваат поради зголемената понуда од Саудиска Арабија и ОАЕ, а проектираните средства од Националниот фонд за благосостојба ќе бидат намалени за околу 10% во 2025 година.
Американскиот претседател Доналд Трамп оцени дека Русија се наоѓа во „големи економски проблеми“, а Кремљ реагираше дека Русија останува „силен медвед“, не „хартиен тигар“.
