Министерот за надворешни работи на Јужна Кореја, Чо Хјун, во Њујорк се сретна со рускиот колега Сергеј Лавров и изрази „сериозна загриженост“ заради воената соработка меѓу Москва и Пјонгјанг, соопшти Сеул.
На маргините на Генералното собрание на ОН, Чо истакна дека ваквата соработка ја загрозува стабилноста на Корејскиот Полуостров. Тој побара од Русија да ги заштити јужнокорејските граѓани и да го подобри деловното окружување за компаниите од Сеул.
Ова беше прва официјална билатерална средба меѓу министрите на двете земји од почетокот на војната во Украина во 2022 година.
