Украинскиот претседател Володимир Зеленски обвини дека извидувачки дронови го нарушиле украинскиот воздушен простор, а укажа дека тие дошле од Унгарија со цел да го испитаат индустрискиот потенцијал во пограничните области.
На ваквите обвинувања, унгарскиот премиер Виктор Орбан возврати со изјава дека „Украина не е независна, ниту суверена држава“. Тој додаде дека „Западот ја финансира Украина со средства и оружје“ и иронично праша: „Ако дронот навистина прелетал неколку метри, па што?“
Унгарскиот министер за надворешни работи Петер Сијарто целосно ги отфрли тврдењата на Киев, велејќи дека Зеленски „го губи разумот“.
Дополнителен знак за растечките тензии е и најавата на Будимпешта дека ќе го оневозможи функционирањето на дванаесет украински портали, како одговор на неодамнешната одлука на Киев да блокира повеќе интернет-страници со проруски содржини, меѓу кои и осум на унгарски јазик.
Овој нов дипломатски судир само ја продлабочува кризата во односите меѓу двете соседни земји.
