Бројот на средношколци кои се затруле со храна во сендвичара во Штип се зголеми на 15, соопштија од Центарот за јавно здравје. Првично беа регистрирани пет случаи, но бројката нагло пораснала во текот на денот.
Надлежните информираа дека се земени примероци од храната и брисеви од работните површини во објектот, а резултатите од лабораториските анализи се очекуваат најдоцна до утре.
Сендвичарата е веднаш затворена со решение на Државниот санитарен и здравствен инспекторат, како и на Агенцијата за храна и ветеринарство.
Од Центарот за јавно здравје апелираат сите ученици кои чувствуваат симптоми на труење да се јават кај лекар.
