Она што требаше да биде мала средба со граѓаните во Драчево вечерва прерасна во вистински митинг, изјави кандидатот за градоначалник на Скопје, Орце Ѓорѓиевски.
Во присуство на вицепремиерот и министер за транспорт и врски Александар Николоски и министерот за надворешни работи Тимчо Муцунски, пред бројните драчевчани беше претставена визијата за „достоинствено Скопје“.
Ѓорѓиевски истакна дека министерот Николоски ексклузивно најавил дека утре ќе се потпише договорот за проектот „градски воз“, кој многу брзо ќе почне да се реализира.
„Првата линија ќе минува токму низ Драчево и за само 7 до 11 минути ќе се стигнува до центарот на Скопје. Ова е историски чекор што ќе го промени секојдневието на илјадници граѓани и ќе го отвори патот кон поразвиено, современо и поврзано Скопје,“ изјави Ѓорѓиевски.
Тој нагласи дека поддршката од Владата на Република Македонија е доказ дека заедно може да се гради иднината што граѓаните ја заслужуваат.
