Републичкиот јавен обвинител Љупчо Коцевски изјави дека објавените пораки се само дел од доказите кои ги поседува обвинителството и дека во нив има уште десетина инкриминирани дејствија. Постапката не е завршена ниту за Управата за јавни приходи, ниту за други институции.
Ова следува по објавата на документарниот филм на ИРЛ, во кој се прикажува комуникација меѓу синот на сопственикот на кочанската дискотека, братот на претседателката на Кривичниот суд Даниела Димовска и други инспектори. Од пораките се гледа дека тие најавувале инспекции, примале подароци и ги користеле своите позиции за резервирање маси.
