Варшава – Украинскиот државјанин Володимир З., кој е осомничен за вмешаност во експлозиите на гасоводот „Северен тек“, е уапсен во Полска по европски налог за апсење издаден од германски суд, јави радиото RMF FM.
Ова апсење следува по августовското приведување во Италија на друг Украинец, за кого постои сомнеж дека ја координирал саботажата.
Експлозиите на „Северен тек“ во 2022 година предизвикаа сериозно нарушување на снабдувањето на Европа со руски гас, што доведе до ескалација на конфликтот во Украина и енергетска криза на континентот. И Москва и Западот тогаш ги оценија настаните како саботажа, но никој не презеде одговорност. Украина ја негираше својата вмешаност.
Полските и германските обвинители засега не го коментирале апсењето.
