Портпаролот на локалниот штаб на коалицијата Вреди во Чаир, Сабри Азири, остро го критикуваше кандидатот на ДУИ за општина Чаир, Бујар Османи, обвинувајќи го дека жителите на општината ги доживува како средство за сопствени цели, а не како приоритет за вистински промени.
„Кандидатот на опозицијата не ги знае ниту надлежностите на општината, ниту вистинските потреби на граѓаните. Наместо тоа, најмногу сака да зборува за теми кои се од надлежност на централната власт,“ изјави Азири.
Тој го обвини Османи дека создава „епски лаги“ за својата улога во политичките процеси од 90-тите и во 2001 година, иако во тие периоди имал само 11, односно 21 година. „Ваквото потценување на интелигенцијата на Албанците не е видено во поновата историја,“ додаде портпаролот на Вреди.
Азири порача дека граѓаните ќе ја казнат „опседнатоста со историски улоги“ на Османи и дека на претстојните локални избори тој ќе биде поразен. „Нека каже Бујар колку денови поминал со жителите на Чаир во неговите владини мандати, за денес да има право да ја бара нивната доверба,“ изјави Азири.
