Кандидатот за градоначалник на Град Скопје, Орце Ѓорѓиевски, денес оствари средба со Здружението на лица со телесен инвалидитет „Мобилност“ од Скопје. На средбата присуствуваа и кандидатот за градоначалник на Аеродром, Дејан Митески, пратеничката Катерина Димитровска и носителката на листата за советници во Аеродром, Елена Тренчевска.
„Грижата за лицата со попреченост за мене е човечка и морална должност, а потоа и обврска како градоначалник. Едно општество вреди онолку колку што се грижи за оние на кои поддршката им е најпотребна,“ изјави Ѓорѓиевски.
Тој нагласи дека во неговата програма се предвидени конкретни мерки за подобрување на условите за лицата со попреченост, како и иницијатива заедно со сите градоначалници да се постават пристапни рампи и решенија кои ќе овозможат еднаков пристап за секој граѓанин.
„Скопје мора да биде град на еднакви можности, град во кој никој нема да биде изоставен. Силата на еден град се гледа во неговата хуманост,“ порача Ѓорѓиевски.
