Американскиот министер за одбрана Пит Хегсет изјави дека и мажите и жените во армијата ќе мора да го исполнат истиот – машкиот – стандард за физичка подготвеност. „Нема да има дебели генерали, адмирали или војници во борбени формации“, порача тој во база во Вирџинија.
Хегсет нагласи дека борбените должности бараат највисоки физички стандарди, родово неутрални и строги: „Ако жените можат да ги исполнат – одлично. Ако не – тоа е тоа.“
Тој остро ја критикуваше „политичката коректност и идеолошкото ѓубре“ што, според него, го заразило Пентагонот, и порача дека повеќе не сака да гледа офицери во лоша форма кои раководат со единици низ светот.
Хегсет најави и нови проверки: секој војник ќе мора двапати годишно да ги поминува тестовите за висина и тежина. Дополнително, следуваат промени во политиките за сексуално вознемирување и дискриминација.
