Connect with us

Економија

Блок-зделки со Гранит и Макпетрол ја зголемија ликвидноста, ТЕ-ТО со рекордна јавна аукција

Изготвен од Илирика Инвестментс АД Скопје врз основа на официјални податоци од Македонска берза.

Во текот на септември 2025 година на Македонската берза беа реализирани 1.526 трансакции со вкупна вредност од 907,8 милиони денари и обем од 155.997 хартии од вредност. Најголем дел од прометот беше концентриран кај водечките сини чипови, со значително учество на блок-зделки и една јавна берзанска аукција. Индексот МБИ10 месецот го заврши со пад од 0,89%, на ниво од 10.346,94 поени, додека индексот ОМБ остана непроменет на 128,27 поени.

Најтргувани хартии од вредност

● Комерцијална банка АД Скопје (KMB) – 117,56 милиони денари

● Алкалоид АД Скопје (ALK) – 66,78 милиони денари

● Макпетрол АД Скопје (MPT) – 67,78 милиони денари

Топ добитници

● Мокел-ЕЕИИ АД Битола (MOKEL) +20,00%

● ОКТА АД Скопје (OKTA) +8,89%

● ЗК Пелагонија АД Битола (ZPK) +1,93%

Топ губитници

● Македонијатурист АД Скопје (MTUR) –2,86%

● Реплек АД Скопје (RPK) –3,13%

● Комерцијална банка АД Скопје (KMB) –3,16%

Блок-зделки

● Гранит АД Скопје (GRN) – 95,87 милиони денари

● Макпетрол АД Скопје (MPT) – 47,11 милиони денари (вкупно 6 блок-зделки)

● Комерцијална банка АД Скопје (KMB) – 5,96 милиони денари

● Стопанска банка Битола (STBBT) – 29,18 милиони денари

Јавна берзанска аукција

● ТЕ-ТО АД Скопје (TETO) – 555 милиони денари

Обврзнички пазар

Во текот на септември беа реализирани само две трансакции со државни обврзници за денационализација, во вкупна вредност од 5,79 милиони денари. Поголемиот дел од останатите државни и корпоративни обврзници останаа без активност.

Септември 2025 година се одликуваше со изразена ликвидност и висока активност, поттикната од повеќе блок-зделки и рекордната јавна аукција со ТЕ-ТО. На официјалниот пазар најактивни беа Комерцијална банка, Алкалоид и Макпетрол, кои заедно остварија најголем дел од прометот. Индексот МБИ10 месецот го заврши со пад, под влијание на негативните движења кај неколку водечки компании, пред сè Комерцијална банка и Реплек. Обврзничкиот пазар остана со минимална активност.

Advertisement

Економија

СОС Детско Село ја започна новогодишната хуманитарна инфлуенсерска кампања „150 желби за 150 деца без родителска грижа“

Во пресрет на новогодишните празници, како дел од иницијативата #ИнфлуенсериЗаДобро, СОС Детско Село и оваа година ја започнува емотивната хуманитарна инфлуенсерска кампања „150 желби за 150 деца без родителска грижа“.

Целта на кампањата е 150 инфлуенсери, јавни личности и поддржувачи да споделат новогодишна порака посветена токму на 150 деца без родители и родителска грижа, до 14 годишна возраст кои во моментов се поддржани од СОС Детско Село. Со своите пораки, тие ќе придонесат кон ширење на позитивна мисла и ќе донесат чувство на грижа, радост и надеж во празничните денови.

Црвената маичка со автентични детски цртежи е срцето на кампањата. Носејќи ја маичката и споделувајќи ја својата новогодишна желба, инфлуенсерите стануваат „1 од 150“ гласови кои ја користат својата платформа за да ја направат видлива потребата од поддршка на децата без родителска грижа и да поттикнат поширока општествена одговорност.

„Секој кој ќе ја облече маичката и ќе посака желба станува дел од заедницата која се грижи. Јавните личности имаат моќ да инспирираат, да обединуваат и да поттикнат позитивни промени особено кога нивниот глас е насочен за децата на кои им е најпотребна поддршка“- велат од СОС Детско Село.

Вистинската магија доаѓа во јануари

Кампањата ќе трае во текот на месец декември, а во јануари дел од видеата со новогодишните желби ќе им бидат прикажани на децата поддржани од СОС Детско село, со цел да почувствуваат дека зад секоја желба стои некој што се грижи.

Секој може да биде една желба. Со само еден мал гест – донација, споделување или поддршка, можеме заедно да создадеме празнична магија која ќе трае многу подолго од празниците.

Continue Reading

Економија

Иселеничките пари држат 2% од БДП – 310 милиони евра пристигнале лани

Минатата година, македонските граѓани кои живеат и работат во странство инјектирале 310 милиони евра во домашната економија, што претставува скромни 2% од бруто-домашниот производ (БДП).

Иако земјава сè уште е во позитива, бројките откриваат загрижувачки тренд на ерозија. Парите кои пристигнуваат на домашните адреси се во постојан пад: од 331 милион евра во 2022 година, на 319 милиони во 2023 година, за лани да се спуштат на најниското ниво во овој тригодишен циклус.

Споредбата со соседите јасно покажува дека Македонија заостанува во привлекувањето на капиталот од своите иселеници.

Србија е апсолутен лидер со вртоглави 4,47 милијарди евра прилив. Босна и Херцеговина инкасирала речиси 2 милијарди. Косово и Албанија стабилно се движат над границата од 1,3 милијарди евра. Дури и Црна Гора, со значително помала популација, ја претекна Македонија со прилив од 345 милиони евра.

Податоците на Евростат за 2024 година откриваат дека во рамките на ЕУ, најголема корист од личните дознаки имаат Хрватска (2,6% од БДП) и Бугарија (1,3%). На спротивната страна се економските центри како Малта, Кипар и Белгија, кои бележат најголем дефицит, бидејќи парите повеќе „одлеваат“ надвор отколку што влегуваат.

Глобален тренд: Егзодусот на капитал од ЕУ кон земјите надвор од Унијата рапидно расте. Минатата година од ЕУ биле испратени рекордни 52,1 милијарди евра, што е раст од 6% за само една година.

Статистиката за последните пет години е немилосрдна. Додека приливот на пари во европските домаќинства пораснал за солидни 26%, сумата која се испраќа надвор од Унијата експлодирала со раст од 51%. Овој дисбаланс го зголеми негативното салдо на ЕУ на огромни 37,3 милијарди евра.

Continue Reading

Економија

Профитите на германските автомобилски гиганти паднаа на најниско ниво од 2009 година

Германската автомобилска индустрија бележи најтежок квартал во последните 15 години. Според анализа на консултантската фирма EY, оперативните профити на Volkswagen, BMW и Mercedes-Benz меѓу јули и септември се намалиле за 76%, достигнувајќи околу 1,7 милијарди евра.

Ова претставува најниско ниво на профит од 2009 година, иако вкупниот приход и продажба останале релативно стабилни. Ниту една друга земја со значајна автомобилска индустрија не забележала толку слаби резултати.

Продажбата на германски автомобили падна најмногу во Кина, за 9%, додека уделот на кинескиот пазар во вкупната продажба се намали од 39% на 29%. Продажбата на премиум модели се намалува, а во сегментот на електрични возила купувачите се повеќе се одлучуваат за локални брендови.

Во Германија, компаниите Bosch, Mercedes и Volkswagen веќе најавија намалување на бројот на вработени. EY предупредува дека ваквите мерки се болни, но неизбежни.

Continue Reading
Advertisement

Advertisement

Advertisement
Advertisement

Advertisement

Advertisement

Advertisement

Advertisement

Advertisement

Advertisement

Трендинг