Сабри Азири, портпарол на изборниот штаб на кандидатот за градоначалник на Општина Чаир од коалицијата „Влен“, Изет Меџити, денес го критикуваше Бујар Османи за, како што рече, целосно отсуство на резултати за граѓаните на Чаир за време на неговата политичка кариера.
Азири посочи дека Османи поминал вкупно 3.672 дена на високи државни позиции: министер за здравство од 27 јули 2008 до 28 јули 2011 (1.096 дена), вицепремиер за европски прашања од 31 мај 2017 до 30 август 2020 (1.187 дена), министер за надворешни работи од 30 август 2020 до 23 јуни 2024 (1.389 дена) и претседавач со ОБСЕ во 2023 година (365 дена). Вкупно, тоа изнесува 10 години и 22 дена на министерски и извршни функции.
„Сепак, ниту еден ден од тоа време Османи не посвети на граѓаните на Чаир“, изјави Азири, додавајќи дека додека чаирчани останале без поддршка, Османи се среќавал со странски лидери и членови на политичките елити, а неговото семејство остварувало напредок во јавни и приватни позиции.
„Нула дена за чаирчани – два дена со Сергеј Лавров во Скопје. Нула дена за чаирчани – една недела со Никола Груевски во Будимпешта. Нула вработувања за чаирчани, додека сопругата е вработена во АЕК, сестрата во М-НАВ, а бизнисот на братот напредува“, посочи Азири.
Тој заклучи дека „ова е реалниот биланс на Бујар Османи по повеќе од една деценија на власт и затоа денес тој нема образ да им ја побара довербата на граѓаните на Чаир“.
