Русија започнува масовен увоз на бензин поради кризата со гориво
Руската влада планира да започне со масовен увоз на бензин откако серија напади врз рафинерии го продлабочи недостигот од гориво во земјата. Ова е прв голем увоз од 1990-тите, кога Русија се соочи со слична криза во домашното производство.
Вицепремиерот Александар Новак предложи укинување на петпроцентните увозни давачки за горива од Кина, Јужна Кореја и Сингапур. Владата планира месечни набавки од околу 150.000 тони нафтени деривати, а увозот од Белорусија исто така ќе се зголеми. Според планот, во септември се очекува скок од 45.000 тони, до вкупно 300.000 тони бензин.
Белоруските рафинерии по едногодишна пауза повторно почнаа да продаваат нафтени производи преку Санктпетербуршката стоковна берза. Во периодот јули–септември 2025 година, Белорусија пласирала 96,9 илјади тони, што е зголемување од 36% на годишна основа. Само во септември, продажбата на белоруски бензин пораснала за 168%, а на дизел за 83% во однос на август.
Дополнително, Советот на Евроазиската економска комисија донесе одлука за укинување на царините за бензин, дизел, поморско гориво и авио-керозин до 30 јуни 2026 година. Мерката стапува на сила за 10 дена и е воведена поради падот на производството во регионов.
