Кандидатот за градоначалник на Општина Битола, Тони Коњановски, претстави една од најзначајните заложби за следниот мандат – уредување на коритото на реката Драгор, симбол на градот и неговата историја.
„Сега е време овој симбол да добие ново лице, со уредување по највисоки светски стандарди. Со овој проект не само што ја заштитуваме реката и околината, туку создаваме простор кој ќе нè обединува,“ рече Коњановски.
Проектот предвидува реконструкција на мостовите, изградба на нови пешачки патеки за полесно и побезбедно движење, како и поставување на современо, енергетски ефикасно осветлување, со цел Драгор да биде активен и безбеден дел од градот и во текот на ноќта.
Коњановски истакна дека со овој потег се докажува дека традицијата и современите решенија можат да одат рака под рака, создавајќи подобар и пофункционален урбан простор за сите граѓани на Битола.
Видеото може да го погледнете тука
