По обилните врнежи од дожд вчера, на дел од булеварскиот влез од страната на Прилеп, десната насока, беше забележано оштетување на тротоарот кој сè уште е во фаза на изведба.
Од утринава, стручни екипи на Општина Битола извршуваат теренска проверка со цел да ги утврдат причините за настанатата штета и да предложат соодветни мерки за санација.
Општината апелира до граѓаните за внимателност при движење во овој дел додека траат проценките и интервенциите.
