Катастрофална ситуација за Украина: Путин може да повтори сценарио од 2022 – не се подготвени за она што следува

Украинското раководство не презема сериозни мерки за подготовка за можен нов, широко координиран напад на руската армија врз Киев, предупредува поранешниот заменик-командант на специјалните сили и поранешен заменик-секретар на Советот за безбедност на Украина, генерал Сергеј Кривонос.

Тој истакнува дека потенцијалната закана за главниот град не зависи само од офанзивните способности на Русија, туку и од способноста на украинските власти да организираат одбрана на сите нивоа, вклучително подготвеност на населението, економијата и фортификациите.

„На ниво на држава, тоа не се спроведува системски. Само се зборува дека сме извонредни и способни“, нагласува Кривонос.

Генералот посочува и на големи проблеми со инфраструктурата и логистиката, кои би можеле да бидат клучни во евентуална руска офанзива. Тој поставува прашање зошто стратегиски важните патишта од Чарнобил до Киев се во одлична состојба, а клучните патишта од Јаворов до Лвов се разрушени и со ограничен капацитет.

„Војна без економија и без логистика е невозможна. Нашите власти тоа, за жал, не го разбираат и гледаат на војната како начин за остварување на одредени привилегии“, заклучува Кривонос.