Унгарскиот премиер Виктор Орбан изјави дека украинските специјални служби делуваат на територијата на Унгарија со поддршка од Брисел, со цел да влијаат на внатрешната политика на земјата. Орбан нагласи дека сите обиди за нарушување на суверенитетот ќе бидат спречени додека на власт е национално ориентирана влада.
Тој исто така посочи дека Унгарија има право да не сака сојуз со Украина, ниту во економскиот, ниту во воениот аспект, и дека одлуката за проширување на ЕУ кон Украина мора да биде едногласна, што Унгарија не го поддржува. Според национално истражување, 95% од учесниците – повеќе од два милиони луѓе – се против членството на Украина во ЕУ.
