Црна Хроника

Акција во Скопје: Уапсени седум лица на повеќе локации!

Во координирана полициска акција спроведена во текот на ноќта на 3 и 4 октомври, на неколку различни локации во Скопје, уапсени се седум лица, кај кои била пронајдена прашкаста материја и марихуана, потврди Министерството за внатрешни работи.

Лицата се идентификувани како М.Е. (26), Р.Ј. (24), Х.Ј. (31), П.Ј. (39) и С.Д. (48) – сите од Скопје, како и Н.Ц. (31) од Крива Паланка и Х.Ф.Х. (24) од Република Турција.

При претресите, полициските службеници одзеле забранети супстанци, кои ќе бидат испратени на вештачење.

Од МВР информираат дека по целосно документирање на случаите, против приведените ќе бидат поднесени соодветни кривични пријави.

Според првичните информации, акцијата е дел од засилените контроли за сузбивање на нелегалната трговија со дрога на територијата на главниот град.

Црна Хроника

Автомобил со американски таблички излетал од коловозот кај Кичево: една жена тешко повредена

Рано утрово, околу 03 часот, на магистралниот пат Гостивар–Кичево, во близина на селото Трапчин Дол, патничко возило „Волво“ со американски регистарски ознаки излетало од коловозот, информираа од ОВР Кичево.

Возилото го управувал Ф.А. (32) од Кичево, кој во несреќата се здобил со телесни повреди. Сериозно повредена е сопатничката А.З. (25) од Кичево, кај која биле констатирани тешки телесни повреди во Медицинскиот центар Кичево.

На местото на настанот извршен е увид од увидна екипа на ОВР Кичево, а причините за сообраќајката дополнително се утврдуваат.

Црна Хроника

Тројца приведени по физички напад во Тетовско

На 07.12.2025 во 04:00 часот во с.Желино, полициски службеници од ПО Групчин и ПС Тетово, ги лишија од слобода А.Ф.(37) и Ќ.Б.(33), двајцата од с.Желино и С.И.(46) од с.Требош, кои биле пријавени од И.К.(37) од с.Прељубиште дека во угостителски објект во с.Желино физички го нападнале. Исто така, според пријавеното, И.К. на паркингот на објектот оштетил две паркирани возила. По документирање на случајот ќе биде изготвен соодветен поднесок.