Смиле Војданов уште од млади години стапил во редовите на ВМОРО.
Својата храброст и вештина за војување посебно ја истакнал за време на Илинденското востание во охридскиот реон.
По крвавото задушување на илинденското востание разочаран заминал за Северна Америка. Но никогаш не се откажал од идејата и борбата за независна Македонија.
Во неговата куќа во градот Понтијак, во државата Мичиген, во 1929 година со Македонци иселеници во САД ја основаат првата независна македонска група. Бил изгласан за претседател на централното раководно тело.
Преку целиот живот во САД бил македонски активист.
По Втората светска војна ја посетил Македонија и го поздравил формирањето на новата Македонска држава и со хуманитарна помош се вклучил во помагање на својот македонски народ за кој во ‘903та се борел со пушка во рака.
Тој е еден од иницијаторите и донаторите за изградбата на Медицинскиот клинички центар во Скопје.
Поради овие негови чекори бугарската историографија на војводата Смиле Војданов гледа како на родоотстапник, а македонската историографија го забележала како една од најсветлите личности во борбата за сопствена македонска држава.
Смиле Војданов починал на 4ти Март, 1958та во Понтијак, Мичиген.
Неодамна македонските активисти во САД, Гоце Панговски и Ана Дукоска ја пронаоѓаат неговата фамилија, внуците и правнуците на војводата со чија помош на гробот од војводата е одржана беседа и опело во спомен на големиот македонски син, Смиле Војданов.
Навистина направивме чудо!
Жива е Македониiа успешно ја реставрира од црно бела техника во боја оваа бесценета фотографија од војводата Смиле која првично беше со многу лош квалитет.
Слава на славниот илинденски војвода Смиле Војданов!
